تدري وش يقتل الحب بالسكات...??

يغنيك عن كثر الحكي مجمل ابيات

ومن ياخد المضمون يلقى الادلة

*****

وتدري وش اللي يكسر الظهر حزات

لامن عطيت احساس ما هو محله

*****

وتدري متى تستاهل الطعن مرات

لا من خطيت الدرب و انته تدله

*****

لا تتبع المقفي على كل حالات

بعض الوجيه اللي تقابلك عله

*****

ولا تسأل الغالي على الجرح لا فات

نبش الحكي يزود الطين بله

*****

طالع فمن حولك و تأخد شهادات

ما نلتها لو تدرس الدهر كله

*****

ناس(ن) تجرمن اسود الضيق و نات

وناس(ن) تقضيها وناسه وفله

*****

هذاك شال هموم غيره ولا بات

وهذاك ما يدري عن احساس خله

******

احدن يهين اصله على كل زلات

واحدن ترومه شيمتهى ما تزله

******

لا تقول حظي من عنا الوقت قد مات

قل مات حظ اللي عناه استحله

******

ولا ضاقت الدنيا وعلى الكيف ما جات

اطلق احجاجك ثم توكل على الله